Дээр Д.Сүхбаатар жанжныхаа хөшөөг солигдохоос нь өмнө нэг зураг аваад блогтоо тавьж байсан билээ. Тэнд байгаа.
Хэл амтай, хэрүүл уруултай, аль ч билээ намын баяраар уралдан урцалдан "францын" тугаар бүтээн байж нээлтийг нь хийсэн тэрхүү хөшөөг сүүлд (бараг сар болсон биз дээ) харсан. Тухайн үедээ зургийн аппарат байхгүй явж байсан тул зургийг нь авч чадаагүй юм.
Яахав шинэчлээд аштай юу. Гэтэл Д.Сүхбаатарын нүүр царай нь хөшөөний бусад хэсгүүдээс тэс өөр үнсэн саарал өнгөтэй байсныг хараад зориуд уу, эсвэл алдаагаар уу гэдгийг нь ойлгоогүй л бодоод өнгөрсөн билээ.
Мөн хэрвээ хөшөө дурсгалыг сэргээн засварласан бол хаа нэгтээ нь 2010 онд сэргээн засварласан гэж бичих нь зүйтэй байсан байх.
Өчигдөр бүр ажил болгоод аппаратаа авч очоод зургийг нь аваад... Бороо цас ороод нүүрээ угаачихсан уу яасан бүү мэд, бас тэнгэр бүүдгэр байснаас болсон уу нөгөө "үнсэн саарал" өнгө нь мэдэгдэхгүй байна билээ...
Нартай өдөр очино оо. Тэгээд зургийг нь авна гэж бодож байгаа....
(шар байна... хор байна..)
No comments:
Post a Comment