ХООЛ ХҮНС үү, эсвэл ХОР уу? бодоорой....

Хоол хүнсний аюулгүй байдлын сэдвээр үргэлжүүлнэ ээ. Энгийн гэмээр зүйлүүд дээ. Гэвч хэн нэгэнд хэрэг болох ч юм билүү кэн яаж мэдэхтий :)

Хоол хүнсний хордлого болон халдварт өвчнүүдэд (гэдэс өвдөх, дотор муухайрах, гүйлгэх, шингэн алдах, толгой тархи эргэх, бие сульдах, халуурах, бөөлжих гэх мэт байдаг байхаа - мэргэжлийнхэн тодруулж өгөөрэй) хамгийн амархан нэрвэгддэг хүмүүс бол бага насны болон сургуулийн өмнөх насныхан, ахмад настнууд, жирэмсэн эхчүүд, янзан бүрийн "тусгай эмчилгээ, сувилгаатай" хүмүүс юм.

Хоол, хүнсний зүйлийг буруу боловсруулах, хадгалах, бэлтгэснээс болж хоолны хордлого, халдварт өвчинд нэрвэгддэг байна. Хоол, хүнсний бүтээгдэхүүний гол дайснууд бол:

1. Biological - Биологийн үүсвэр: pathogens буюу патоген - хоол хүнсний бүтээгдэхүүнд байдаг өвчин үүсгэгч микроорганизмүүд;

2. Chemical - Химийн үүсвэр:хүнсний болон ахуйн зориулалтын химийн бодисууд;

3. Physical - Бодит/биет үүсвэр: үс, хир, шархны лент, хагархай шил, лаазны холтос гэх мэт бодит зүйлүүд;

Их том том нэр томьёо, эрүүл мэндийн шинжлэх ухааныг номлохгүйг хичээнэ ээ. Тэгээд ч миний мэдлийн эд биш...

Энэ удаадаа зөвхөн БИОЛОГИЙН ҮҮСВЭРүүдийн тухай бичье...

Хоол хүнсний аюулгүй байдалд заналхийлэгч - Биологийн үүсвэрүүд:

1. Viruses буюу вирусууд:
a.Hepatit A буюу Гепатит А вирус (гепатит B эсвэл С биш шүү).
Бэлэн болон бүтэн, хагас боловсруулсан бүтээгдэхүүн, бохирдсон усанд байдаг. Дахин чанах, боловсруулах, буцалгаснаар тухайн вирус нь устахгүй. Хамгийн түгээмэл шинжүүд нь ханиад, бие сульдах, бидний нэрлэдгээр ШАРЛАХ, гэдэсний өвчнүүд. Шарласан нөхдүүдийг тусгайлан байлгадаг нь учиртай байгаа биз.
Хэрхэн сэргийлэх:
- Гараа зөв сайн угаах,
- Хоол хүнсний зүйл нүцгэн гараар хүрэхээс зайлсхийх,
- Хоол хүнсний зүйлийг баталгаат газраас худалдан авах,

б.Novovirus буюу Hововирус
Бас л бэлэн болон бүтэн, хагас боловсруулсан бүтээгдэхүүнд байдаг. Мөн бохирдсон ус. Заваанаар нэрлэвэл feces буюу өтгөн, бүр завааруулбал баас юм. Хэрвээ энэхүү "баастай" гар хоол хүнс болон гал тогооны хэрэгсэлд хүрсэн бол өвчин болон халдварыг түгээх хөнөөлтэй. Гол шинжүүд нь бөөлжих, огиулах, гүйлгэх, дотор эвгүйрэх, гэдэс өвдөх.

Хэрхэн сэргийлэх:
- Гараа зөв сайн угаах,
- Хоол хүнсний бүтээгдэхүүнд гараараа хүрэх,
- Хоол хүнсний зүйлийг баталгаат газраас худалдан авах,


2. Bacteria буюу бактерүүд
3. Parazites буюу паразитүүд
4. Fungi буюу хөгц, мөөгөнцөрүүд


Энэ удаадаа дуусгая.... Маргааш сайхан ааш минь хөдөлбөл үргэлжүүлье.