2007-04-07

 Randolphlee McIver - Blue-and-Red Хосуудад зориулсан харилцааны 5 зөвлөмж
Др. Алан Стаффорд

1. Хэрвээ Та сайн харилцагч (сайн хань) байхыг хүсвэл сайн сонсогч байх хэрэгтэй. Энэ нь сонсохдоо ямарваа нэгэн хариу үйлдэлгүй, дүгнэлт хийхгүй сонсоно гэсэн үг. Ханиа ярих үед нь Та ханийнхаа дотоод санаа, сэтгэл хөдлөлийг ажиглаж буй. Энэ сэтгэлийн хөдөлгөөн, бодол санаа нь сайхан ч байж, эсвэл эсрэгээрээ муу ч байж болно. Гол нь энэ нь Таны ханийнх. Та түүнтэй заавал санал нийлэх албагүй.

Гэвч, сайхан харилцааны анхны алхам нь ханиа сонсох улмаар ханийнхаа сэтгэлийг ойлгох. Дотно сайхан харилцаа нь зөвхөн хосууд бие биентэйгээ ярихыг хэлдэггүй, мөн хосууд бие биенээ сонсож чаддаг байхыг хэлнэ.

2. Хань тань итгэл мөрөөдөл, санал бодлоо, дотоод сэтгэлээ илэрхийлж буй нь түүний сэтгэлийн илэрхийлэл юм. Тэр ингэх ч эрхтэй, энэ нь бас түүнийх. Ханиа буруу зөрүү гэж шууд хэлэх нь алдаа бөгөөд түүнийг байр сууриа хамгаалах аргагүй байдалд хүрдэг. Хамгийн сүүлийн удаа хань тань Таныг буруутгахад Та хэрхэн хүлээж авч хандсанаа санаж байна уу? Та ингэхэд хань тань бас л яг иймэрхүү байдлаар хандаж буй. Ханийнхаа сэтгэлийг ойлгох, найр тавих (хүлээн авах нь) нь авна гэдэг нь Та түүнийг зөвшөөрч байгаа хэрэг биш гэдгийг санаарай.

3. Сайхан харьцаатай хосууд байна гэдэг нь хэн нэгэн нь буулт хийдэг, буулгадаг ялдаг-хожигддог тоглоом биш юм. Амжилттай харилцаанд та хоёрын хэн ч ялагч, эсвэл ялагдагч болдоггүй. Амжилттай харилцаа нь Та хоёрын хэн хэнийг ч сэтгэл хангалуун байлгах гурав дахь сонголтыг (гарцыг) олоход туслах болно. Жишээ нь: Та Хятад хоолонд дургүй. Хань тань Мексик хоолонд дургүй. Хоолноос болоод маргаад бие биенийгээ дийлэх гээд үзэх нь утгагүй, зүгээр л хоёулаа дуртай Итали хоол идэхэд л болно.

Ашигтай 2 зөвлөмж:
1) “бууж” өгөх гэж яарсны хэрэггүй – асуудлыг зохицуулж харилцан зөвшилцөлд хүрэхийн тулд тодорхой хэмжээний ярилцах цаг хэрэгтэй.
2) амар амгалан байдлаа бодоод (ярилцахаас зайлсхийн) битгий бууж өг – Таныг бууж өгөх болгонд хань тань шийдвэрүүдийг гаргах бөгөөд нэг л өдөр “Би л дандаа шийддэг. Үүнээс залхаж байна” гэж мэдэх юм шүү.

4. Харилцаагаа сайжруулах 3 алхам:
1. Асуудлын учир шалтгаан болсон ааш авираа тодорхойлох.
2. Тэрхүү ааш авир хэрхэн яаж асуудал үүсгэж байгааг тодруулах.
3. Нөхцөл байдлыг өөрчлөх талаар ханьтайгаа зөвшилд. Зан чанараа “зөв” болгож засахыг гэж хэлээгүй гэдгийг анзаараарай. Зөв болгож засна гэдэг нь Та буруу (муухай) ааш зантай гэсэн үг болчихно. Тиймээс өөрийнхөө ааш занг буруу (муухай) болгох гэсний хэрэггүй. Зөвхөн аяг аашаа өөрчлөхийг л хүсч байгаа биздээ тиймээ.

5. Ханьдаа хэзээ ч бүү татгалз. Мөнгө, гэрийн ажил, бүр секс хийхэд хүртэл бүү татгалз. Таны хариулт “За” байх, эсвэл ямар нэгэн хариу санаа оноо (санал) байх хэрэгтэй. Таны хань Таны санаа бодлыг (саналыг) эсэргүүцэж болно. Ингээд хоёр талаасаа харилцан ярилцаж санал бодлоо солилцон зөвшилцөлд хүрнэ.
Гуравдагч сонголтыг, гарцыг олох нэгэн жишээ бол татгалзахгүй байх. Энэ арга нь Таны харилцааг бататгана. Үгүйсгэх үедээ Та ханиа гомдоох, өөрөөсөө улам холдуулах алхмыг хийж байгаа. Үгүйсгэхдээ Та ирээдүйн харьцаагаа “унтрааж” байгаа. Хань тань “би түүнээс дахиж асуухгүй ээ, дандаа л үгүй гэж байдаг юм чинь” гэж бодох болно шүү.

Гэрлэлт гэдэг нь үргэлжийн зөвшилцөл, харилцан буулт, бие биенээ гэсэн хоёр хүний хосоороо зохицох үйл явц юм. Хэрвээ Та бүгдийг өөрийнхөө байлгахыг хүсдэг бол гэрлэхгүй байсан нь дээр.
Хосоороо бол таныхаар ч биш, түүнийхээр биш, БИДНИЙХЭЭР гэдгийг санаж байгаарай. Та хоёрын хэн хэний сэтгэл санаанд нийцэх, хангалуун байлгах гурав дахь сонголт буюу ГАРЦ –ыг олж байгаарай.


source http://www.nopukob.com/communicate.htm
photo
http://www.randolphlee.com/painting/paintgallery01.asp

5 comments:

Pearle Deppsu said...

ta iim yum ih sonirhdog yumaa daa hehe

Chandmani said...

hehe, xu'nd xereg bolvol..

Anonymous said...

Saihan zuwluguu ugsund bayarlalaa, hun helehees , tsaas chichihees naashgui gedeg shuu dee

Anonymous said...

ta er ni setgel sudlaach bolvol mash ih amjiltad hureh baih shuu. hund baidald orson uedee bi zov gartsiig olohiin tuld sain setgel zuichid handah yumsan gej boddog yum. ih heregtei medeelluud bna.

Chandmani said...

thx. Bi xarin bas tegj boddog bolchixood bna. O'mno xiij bsan ajil xuntei ix xaritsdag ajil bsan. Tomoos ni avaxuulaad jijgyg ni xurtel, jargaltai negnees ni zovlontoi gantsyg xu'rtel xaritsaj yavj dee...