Алганы амт (үргэлжлэл)

Уг нь бол нэг мэдээлэл уншичхаад түүнийхээ талаар бичих гэсээр байтал хэд ч хоносон юм бүү мэд маш их уджээ.

Саяхны нэгэн судалгаагаар (Америкт хийгдсэн) "алганы амт" буюу таван салаа боовны амтыг 2-6 насныханд хүртээвэл илүү "үр дүнтэй" байж болох тухай мэдээлсэн юм. Заавал хүртээ гэж байгаа юм биш л дээ. Заримдаа хүүхдүүд буруу, санамсаргүй болох болохгүй үйлдэл хийдэг бөгөөд цаашид тэрхүү буруу алхмыг хийхээс урьдчилан сэргийлэх, ухаанд нь суулгах зорилготой байдаг аж. Жишээ нь: аягатай халуун цайнд гараа дүрэх гээд зүтгээд байвал алганы амт үзүүлэх гэх мэт.
2-оос доош насныханд болохгүй учир нь биений болон ясны, оюун ухаан, тархины хөгжил алганы амтыг ойлгож мэдрэхэд хүрээгүй байдагтай холбоотой. Харин 6-аас дээш болоод ирэхээр алганы амт үзүүлэх явдал нь ирээдүйн амьдрал, зан харьцаа, хүмүүжил бүр сексийнх нь амьдралд нь хүртэл сөрөгөөр нөлөөлж мэдэх аж.

Алганы амт нь сөрөг бө эерэг үе дагаваруудтай бөгөөд бас хэзээ, хаана, хэрхэн гэх мэт асуултуудын бай болсоор иржээ. Ер нь бол таван салаа боов нь боолчлолын болон манайхааар феодалын нийгмийн үлдэгдэл болой.

За тэгээд алганы амтын талаар сөрөг байр суурийг уншихыг хүсвэл nospank.net рүү зочлоорой.

Уураа гаргах, зодох, хэрцгий байдлаар алганы амтыг үзүүлэх нь болохгүй зүйл болохыг энд дурьдах нь зүйтэй байх.