Thanksgiving гээд эндхийн баяраар найз минь (гэр бүлтэй тул найз нар минь гэх нь зүйтэй болов уу) уриад охиноо дагуулаад 5-н цаг гаруй давхиж, нийтдээ ирэх очихын 700 орчим мile буюу 1100 гаран км 10н цаг давхиж байж найзынхаа гэрт нь зочиллоо. Халуун гэр бүлийн уур амьсгаллд, Монголоо санагалзан, сэтгэл дүүрэн баярыг өнгөрүүлсэндээ баяртай байна.
Халуун бүлийн уур амьсгал гэж яагаад бичсэнийг гадаадад байгаа хүн ойлгох биз ээ. Тэр тусмаа ганцаараа хүн бол... Найз минь гэр бүлээрээ амьдардаг. Тэр хүнийг хүндэтгэдэг. Америкт их сургуульд багшилдаг нэгэн. Би Америкийн их сургуульд багшилдаг Америк биш Монгол залуугийн тухай ярьж байгаа шүү дээ. Юун сүртэй юм гэж зарим нь ойлгож ч магадгүй. Тийм хүмүүс хуруу дарам л байгаа. Тийм ч амархан багшилчихгүй байх шүү энд... Өөрөөс нь зөвшөөрөл аваагүй байж найзыгаа зарлаад байх нь онцгүй... За тэр ч яахав.. Үнэхээр сайн найз (нар) даа...
Гол нь гэр бүлийн аз жаргалыг харсандаа, бас ч үгүй амссандаа (хэхэ дайлуулж) баяртай байна. Их ганцаарддаг гэдгээ их л зарладаг хүн дээ би. Гэхдээ тийм яадгаа алдаад зарлаад байгаа юм биш. Амьдрал минь л ганцаардуулж байгаа учраас би өөрөөсөө айлгүй, зоволгүй янзан бүрээр бичээд ирсэн. Бичиж гарган өөрийгөө эмчилж байгаа байх. Дотроо бүгээд байсан бол би бүр өтөхөөр болсон. Янзан бүрээр гаргасан тулдаа харин ч гайгүй явдаг.
Найзындаа найз нартайгаа хамт сайхан хэдэн өдрийг өнгөрөөлөө. Айлд олон хүн зэрэг очоод хоол унд, тав тух тал дээр хэцүү гэдгийг ойлгоно. Гэхдээ найз нар минь тэрийг юман чинээ бодсонгүй. Өглөө 7-д босч эндхийн талархлын баярын уламжлалын дагуу цацагт хяруулаар амттайхан хоол хийгээд, бас салад энээ тэрээ байгаа, сүүтэй цай чанаад хоол унд идэж уухаар тасалсангүй. Өдөр бүр өөр өөр үндэстний хоолоор дайлж байлаа. (Авъяастай золиг шүү :) Явахад минь хүртэл замд үдэж өглөө эртлэн босч бараг намайг дуудаж сэрээгээд хоол цайгаар бүтэн дайлсан. Би ч идэхийг, бас эрхлэхийг ёстой үзүүлж өгөөд л ирлээ. Ширээ идээгээр бялхаж миний сэтгэл баяслаар дүүрэн байлаа. :) Охин минь ч гэсэн элэг бүтэн айлд зочлоод баяртай байсан гэдэгт итгэлтэй байна. Аавыгаа бараг тоогоогүй хэдэн өдөр болчихсон хэхэ. Найз нартайгаа тоглож сэтгэлээ сэргээсэн нь дамжиггүй....
Хамтдаа инээж наргин тоглож хөөрөн суух үнэхээр сайхан байлаа. Монгол кино үзээгүй хэдэн ч жил болсон юм бүү мэдээ. Тэгсэн нөгөө "Би чамд хайртай-2"-ийг найзындаа үзлээ. Хүмүүс янзан бүрээр л бичиж байсан ч надад таалагдсан. хэхэ гэм нь хөдөөний эр Болд хүзүүндээ бараг хотын залууд байхгүй шивээстэй байсанд гайхаж байлаа. Бусад тал дээр зөндөөн зүйл байгаа боловч үзэхэд сайхан байсан гэдгээр тэр тухай дуусгая... Өө тийм аймшгийн кино үзэж бас нервээ барцгаасан юм байна... Дараа нь мэргэлдэг таадаг хүмүүсийн тухай нэг Монголын уралдаант нэвтрүүлэг байсан тэрийг үзлээ. Яахав мань мэт шиг хүнд бол итгэхэд хэцүү л дээ. Гэхдээ бас үгүй болохгүй гэж бас зөрж чадахгүй. Намайг энд аз жаргалтай байхыг минь Монголдоо буй ээж минь бас хэн нэгэнд даатгаад л сууж байгаа байлгүй. Ээж минь тэгэхээр хүн л дээ.. Мэргэ төлөг, тэр бөө, лам хувраг сайн үйлс бүтээж байвал тэрийг үгүйсгэхгүй ээ... Өө тийм тэр нь бас анх шахам Монгол нэвтрүүлгээ үзэж байгаа минь байлаа. Нет ухдаг ч гэсэн Монгол нэвтрүүлгүүдээс зайгаа бариад байдгийн... Яагаад гэвэл зөндөөн "зовлон"... Би "зовлонг" хармааргүй, өөрөөсөө янзан бүрийн "хар" зүйлийг холуур байлгахыг хичээж байгаа царай минь л дээ... Бас Жавхлангийн нэр "Үнэн үү" ч билүү нэртэй нэг ярилцлагыг үзлээ. Нэвтрүүлэгийн тайлбар дээр хэсэг бүлэг хүмүүст гэсэн байсныг хараад тэрхүү нэвтрүүлгийг хөтөлж байгаа эрийг боловсролтой эрээр дүгнэхэд амархан болгосон. Гадаадад сурсан хүмүүс араа бодоод тийм алхам хийхээ мэдэх байлгүй дээ. Жавхлангийн ярьж хэлж буй, асуултанд хариулж буй, байж суугаа байдал нь ёстой элэг аваад хаячихдаг. Би ч эхлээд хошин шог юм болов уу гэж бодсон. Тэгсэн найз нар үгүй л гээд байна лээ. Хэлэх үг олдохгүй шахам болсон хэхэ. Ёстой үхэр монгол гэж хэлүүлэх гээд байгаа юм уу яах гээд байгаа нь ойлгогдоогүй. Уг нь Жавхлан тийм нэвтрүүлэгт орохоо мэдсэн байлгүй дээ гэж л бодмоор. Өөрийг нь дайраад байхад нээг их энгэр задгай дээл өмсчихөөд уухилж аахилаад эээ мэдэхгүй. Тэрийг нь оллоогоос ч билүү орлоогоос ч билүү үзэх боломжтой юм билээ. хэхэ Би лав Жавхлангийн (бас гавъяат шүү дээ ) өмнөөс ичсээн. Иймэрхүү байж яаж УИХ-ын нэрээ дэвшүүлж чадаж байна аа. УИХ-ын гишүүний нэр хүнд, бас шагналын нэр хүнд унасныг УИХ-д нэр дэвшигч Жавхлан гавъяатын ярилцлага үнэнхүү гэрчилнэ.... Энэ талаар дуусгая...
За тэгээд зөндөөн зүйл байгаа боловч бүүр дуусгая. :)
Хамгийн сүүлд дахин бичихэд "найз нартаа баярлалаа".
No comments:
Post a Comment