Гутал, размер...

Эцэг эхчүүдийн тархийг багагүй ажиллуулдаг нэгэн зүйл бол хүүхдийн гутлын размер (өмсгөлийн хэмжээ).

Гутал гэснээс жоохон хадуурна аа :)
"Эр хүн нэг сайхан костюм пиджак, зангиа (бас энд), цамц, сайн гутал, цаг, үзэг, нүдний шил байхад л гангарна" гэж сонсож байсан уу. Тэр нь ч ерөнхийдөө үнэний хувьтай шүү.

Сайн гутал...
Хэрвээ Та оффист ажилладаг, костюмтай байх шаардлагатай бол нимгэн ултай, банхар биш гутал авч байгаарай. Ер нь цамц, костюм, зангианыхаа, бүр болж өгвөл гутлынхаа өнгийг хооронд нь аль болохоор уялдуулах.
Хөдөө гадаа салхинд гарахдаа харин дээрхийн эсрэг гутлыг өмсөх, спортын, энгийн, бусад зориулалтын гутлыг өмсөх. Хөдөө, салхинд, аялалд чөлөөт цагаа өнгөрүүлж байгаа мөртлөө ажилдаа байгаа юм шиг гангалчихсан эрчүүдийг харж л байсан юм байна. Харин ажлаа хийж байгаа бол өөр хэрэг л дээ.

Өө, гутал....Гадаадад явах завшаан гарах болгонд өөртөө болон хүүхдэдээ, өрөөл бусдад гутал авчрахыг хичээдэг байв.

Өө, гутал.. Багадаа бойтог өмсөж байсан байхаа.. Би ямар санах биш дээ...Санаж байгаагаас хар бакиалаас авахуулаад орос, хятад гэлгүй л бараг л бүгдийг өмсөж байсан юм байна. Хөдөөний гангараа - бакиалыг янзлаад хром шиг гялалзуулна, түрийг нь эргүүлээд л, энд тэнд нь нүхэлж савхи шир уяж цацруулаад л... Тэвэг өшиглөхөд үнэн лайтай (тохиромжтой)... хэхэ Сургуульд бакиал өмсөхийг нэгэн бодлын хориглодог байв. Яагаад гэвэл "шал зурна" гээд. Энэ нь ул нь хар зураас үлдээхийг хэлж байгаа хэрэг л дээ...

Дунд сургуулийн 8-аас доош ангид хичээлээ тараад 13-ын бөмбөг бөмбөг өшиглөөд гутал тэсгээдгүй тул ул нь зузаан, бөх гэсэн гутлыг л авч өгдөг байж билээ... Ямар загвар энээ тэрээ гэх биш дээ.
Сургуульд байхад хятадын цагаан ултай хар шаахай моодонд ороод нэг хэсэг монгол хөвгүүд хятаджсан юмдаг. Бас нэг "кээт", юу ч билээ нэр нь... шанхай кээт ч билүү ямар ч байсан зузаан ултай цагаан кээт моодонд ороод, дамын үнэ нь хадаад л, олох гэж хэцүү байж билээ...

өө, гутал...

Оюутан байхдаа найздаа тус дэм болох, цагаа өнгөрөөх, бас ч үгүй хоолныхоо мөнгийг олох (илүү үнээр зарж) санаатай Дэнжийн мянгын зах дээр гутал зарахад нь хамт зогсож үзсэн юм байна. Угийн наймаагаар дагначихсан мань хүн одоо нэгэн дэлгүүртэй. Тэр үед бас нэг найз минь савхин дээл оёж зардаг байв. Найз минь бас оюутан. Амьжиргаатай эр. Тэгээд л "гутлын", "савхины" найз нартайгаа хамт халуун, хүйтэнд наймаа хийлцэж байсан юм байна. Наймаа гэх нь арай надад хүнддэх юм байна. Зах дээр хамт зогсож байсан гэвэл үнэнд ойртох байх. Ер нь миний "наймаа" амжилттай болсон эсэхээс үл хамааран найз нар минь өөрсдөө орлогогүй ч надад тодорхой хэмжээний "цалин" өгдөг байж билээ. Би ч бас хэрэндээ зүгээр авахгүй санаатай "гахайг" нь үүрээд, "харуул хамгаалалтын" ажилтай.... хэхэ

өө, гутал...
Хамгийн богино өмссөн гутал маань: Нэгэн удаа ээж минь их л ганган хятад гутлыг хямдхан авсан гээд тэр нь 7 хоног хөлд тэсэж билээ. Бүр хөл бөмбөг энээ тэрээ тоглоогүй зөвхөн л "өмссөн" гутал... Хятад хулхи гутал байсан байна гээд л өнгөрсөн.
Хамгийн удаан өмссөн гутал: Оросод байхдаа авсан бакиал шиг материалаар хийгдсэн, бүр үнэр нь хүртэл яг л бакиал - Польш гутал. Их загварын гутал. Хар зах дээрээс их л үнэтэй авсан санагдаж байна. Их удсааан. Үдээсийг нь солиод л.. Эхэндээ ч гангараа байсан, сүүлдээ ч хөөрхий ажлын гутал болчихсон маажийчихсан байсныг санаж байна...
Өмсөөгүй удсан гутал: Монголоос энд ирэхдээ өмсөж ирсэн өвлийн гутал. Санаснаас Германаас авч байсан юм байна. Сүүлийн хэдэн жилд бараг л 4-5н удаа өмссөн байх. Одоо байж л байгаа. Гаргаж тоосыг нь арчихаас хөөрхийг....

Одоо ч, өвөл зунгүй таавчиг углаад л гутал авах нэг их шаардлага гарахгүй юм. Тэгэхдээ бүр гуталгүй гэх нь хаашаа юм. Голдуу л Adidas пүүз болчихож.Аль болохоор хямд, чанартай гутал өмсөхийг хичээдэг бөгөөд DSW орж үнэ нь 30-50 хувь хямдарсан тасгаас нь гайгүй гутал авчихдаг юм. Хэрвээ Америкт байдаг бол тэр дэлгүүрээр ороод үзээрэй.

тас хадуурчихсан явж байна...

Гутлын размер...
Гэр бүлтэй болсноос хойш хүүхдэдээ гутал тааруулж авах гэж хэмжих, зурах, цаас хайчлах гээд бөөн ажил болдог байв. Тааруулж авна гэж ёстой 100-д хэдхэн л гэдэг болох байх. Авах болохдоо дагуулан явахаас өөр аргагүй. Хэрэг болж магадгүй гэж бодоод хүүхдийнхээ хөлийн размерийг тодорхойлж болох нэгэн хэмжүүрийг энд орууллаа. (Уг нь бичлэгийн үндсэн зорилго нь энэ байв)

Хүүхэд хурдан өсөж торнидог тул хөлийнх нь хэмжээ их удахгүй өөрчлөгддөг. 2-оос 3-н сард нэг хэмжээд үзээрэй. Яаж хэмжиж, гутлын размерийг тодорхойлох вэ?

Шугам, харандаа, цаас л хэрэг болно. Шалан дээр тавьсан цаасан дээр хүүхдийнхээ хөлийн тавхайг тааруулан зогсооно. Хөлийн хуруунуудыг нь атийж хумийлгалгүй, ул нь тэнэгэр байлгахын тулд зөөлхөн дарж үзэх хэрэгтэй.
Өсгийний араар болон хамгийн урт хурууны урдуур зураас зураарай. Нэг хөлийн хэмжээ нь нөгөөгөөсөө урт байвал бүү гайхаарай. Зүгээр л уртыг нь цаашдын хэмжүүртээ ашиглах хэрэгтэй.
Зурсан 2 зураасны хоорондох хэмжээг инчээр эсвэл см-ээр хэмжээрэй.
Илүү 0.5 см-ийг хэмжиж олсон хэмжээн дээрээ нэмээд энд дарж гутлын размерийг нь тодорхойлоорой. Хэмжээ нь яг таарахгүй бол ойролцоо утгыг нь сонгоорой. Өсвөр насны хүүхдийнхийг энд дараад олж мэдээрэй.

Гутлын размер Ази, Европ, Англи, Хятад, Орос гээд олон янз... Энэ нь см болон инчээр хэмждэгээрээ ялгагдаж байгаа хэрэг л дээ... Гэвч энд гутлын дэлгүүрт нь хөлийн хэмжээг хэмждэг хэрэгсэл байдаг тул санаа зоволтгүй...

Эрэгтэй, эмэгтэй, хүүхдийн гутлын размерүүдийн харьцуулалтыг доорхи зурган дээр дарж сайтад зочлон үзээрэй. Хүүхдийн размер нь дотроо бас олон янз шүү.

chart source: http://www.piperlime.com/

Хэмжээгээ топорхойлчихоод энэхүү мэдээлэл аль хэр үнэний хувьтай болохыг нь эргэж мэдэгдээрэй. :)

Pearle Deppsu-гийн commentod бичсэн үнэртэй ус гэснээс энд нэг шагайчихаарай.

Нэгэн дууг олоход туслаач.

Надад ирсэн эмайл:
Hi. I went to Mongolia in July 2005 and there was a song that I heard quite a few times whilst I was out there. I know that one of the words in the song sounds a bit like "koyloh" or something, but was wondering if you could possibly help me out by any means or if you'd know what the song was called?

( Сайн уу. Би 2005 оны 7н сард Монголд очсон бөгөөд тэнд байхдаа нэгэн дууг олонтаа сонссон. Тэрхүү дуунд "koyloh" ч билүү нэг тиймэрхүү үг дуулагдаж байсан. Энэ ямар дуу байсныг олж мэдэхэд туслаач)

Би "koyloh" гэдэг нь юу гэсэн үг болохыг ойлгох гээд үнэхээр чаддаггүй. :) Эхлээд үгний учрыг, дараа нь уг дууг олоход туслаач.

Хэрэг болж магадгүй: Романтик, удаандуу аятай, тухайн үедээ буюу 2005 оны зун хит дуу байсан бололтой. Улаанбаатар болон Архангайн Цэцэрлэг, Тэхийн цагаан нуураар аялахдаа "дуулж" байсан юм билээ.

Баярлалаа.

Гансүхийн "Цагаан сар хэзээ вэ?" гэсэн бичлэгт хувийн "нэмрээ" оруулж эдгээрийг орууллаа. Дүгнэлтийг уншигч Та хийгээрэй. Хувь хүнийхээ хувьд Тэрбиш гуайг хүндэлж явдаг.

эх сурвалж: http://www.stardate.org/nightsky/moon/

эх сурвалж: http://aa.usno.navy.mil/data/docs/MoonPhase.php

баримтыг: http://www.timeanddate.com/

U.S. Naval Observatory
Astronomical Applications Department

Sun and Moon Data for One Day
The following information is provided for Mongolia (longitude E106.9, latitude N47.9):

Thursday 7 February 2008 Universal Time

SUN
Begin civil twilight 23:40 on preceding day
Sunrise 00:13
Sun transit 05:07
Sunset 10:01
End civil twilight 10:34

MOON
Moonset 08:53 on preceding day
Moonrise 00:22
Moon transit 05:11
Moonset 10:11
Moonrise 00:41 on following day

New Moon on 7 February 2008 at 03:44 Universal Time.

эх сурвалж: http://aa.usno.navy.mil/data/docs/RS_OneDay.php

The Moon for Feb 6, 2008 (At Midnight, US Central time, as viewed from the Northern Hemisphere)
Illuminated Fraction: 0.000 0.1 days since new moon

эх сурвалж: http://www.briancasey.org/artifacts/astro/moon.cgi

"Эмээгээ зэмлэсэн нь"...

7-н настай ач охин нь эмээгээсээ "Манай эгч найзтай болж байгаа болов уу" гэж шивнэн их нууцхан асуухад эмээ нь "эгч чинь 10-р ангийн сурагч учраас өчнөөн олон найзуудтай байхаа" гэжээ. Тэгсэн ач охин нь "найз гэж байхад, эгч ямар над шиг нэгдүгээр ангийн хүүхэд биш дээ" хэмээн эмээгээ "зэмлэжээ"...

Эмээ нь утсаар мэдээлэв :)

Сэтгэл санаагаа "эрүүл" байлгахын тулд:

- Инээмсэглэж, инээж байхыг (утга учиртай л даа) хичээх;
- Өөртөө болон амьдралд дандаа "чухал царай"-г бүү гарга;
- "Унасан, уруудсан" ч гэсэн хорвоо ертөнц урвуугаараа "эргэчихсэн" эсвэл хорвоогийн "төгсгөл" юм шиг бүү ойлго;
- Бололцоогоороо алхах (зугаалах), таны тархинд, зүрхэнд цэвэр агаар хэрэгтэй.
- Шинэ бололцоо, шинэ боломжийг мөрөөдөх, судлах, хэрэгжүүлэх;
- Амжилт ололтоо тунгаан бодох, өөртөө итгэх;
- Өөрийнхөө дуртай, сонирхдог зүйлүүддээ бололцоо гарган цаг зарцуулах;
- Шинэ сорилт, шинэлэг зүйлд уриалгаар хандах;
- Өөртөө итгэх, өөрийгөө хөгжүүлэх;

Мөн:
- Буг чөтгөр шүглэсэн, сөрөг зүйлүүдийг (хараалын үгс хэлэх, хэрэлдэх гэх мэт) харах, сонсох, унших, хэлэхээс зайлсхий;
- Зарим зүйлд хэтэрхий шунах, автахаас зайлсхийх;
- Сайн, сайхан, эерэг зүйлийг олж мэдрэх, түүнд тэмүүлэх;
- Өдөр тутам тодорхой хугацааг зугаатай, баяр баясгалантай өнгөрүүлэх;
- Бусдад тусалж, бусдыг дэмжихийг хичээх;
- Бусдыг сайн сайханд, амжилтанд уриалах;
- Санхүү болон сэтгэлээр өгөөмөр байх;
- Өөртөө болон бусдад үнэнч байх;

source: http://www.more-selfesteem.com

Монгол Улсын хөгжил Япон улсын хөгжлөөс 6 дахин удаан!?

Санаандгүй, санаадгүй ч гэж сүүлийн хэдэн өдөр нэтийн 2 компаний үйлчилгээнээс сонголтоо хийх гээд ээлжилж хурдыг нь шалгаж байгаад Монголынхоо, Улаанбаатарынхаа нэтийн хурдыг "үзсэн" чинь:

download speed = 862 kb/s
upload speed = 544 kb/s гэж гарч байна.

доорхи зурган дээр дараад баримтыг нь хараарай.

*үзүүлэлтийг http://www.speedtest.net/-аас

За тэгээд топ-5-тай харьцуулаад үзвэл:

*үзүүлэлтийг http://www.speedtest.net/-аас

Нэгэн тоо бодвол 5554/862=6.4

Тэгэхээр "бид Япончуудаас 6 дахин бага хурдаар хөгжиж байна" гэж ойлгож болох нь ээ.

Японд бүхэл бүтэн киног 2-хон минутад татаж болдог байхад Америкт 2 цаг, Монголд 20 цаг болох нь дээ...

Америк ноднин жилийнхээ эдийн засгийн үзүүлэлтээрээ сүүлийн 17-н жилд байгаагүй "хямралд" орчихоод Ерөнхийлөгч Буш нь татварын зохицуулалтаар эдийн засгаа сэргээх гэж оролдож буйг сонссон л байх. Өндөр хөгжилтэй Америк улс нэтийнхээ дундаж хурдаар дэлхийн бусад улс орнуудтай харьцуулбал 16-д ордог бөгөөд хүн амын 30-40н хувь нь dial-up-аар нэтэд холбогддог байна. Энгийнээр хэлбэл америкчуудын мэдэх нь сайн мэднэ, мэдэхгүй нь бүр ор тас мэдэхгүй.

Интернэт эдийн засгийн хөгжилд чухал нөлөө үзүүлдэг. Эд нарын (Америкчуудын) үзэж байгаагаар сайхан зам харгуйтай байсан ч нэтийн хурд нь дорой бол бизнесийн хөгжилд, улмаар дэд бүтцийн, цаашлаад улс орны эдийн засгийн хөгжилд садаа болдог ажээ.

баахан "том энгийндчихлээ". :)

Хэрвээ нэтийн хурд яагаад чухал байдгийг мэдэхийг хүсвэл ЭНД дараарай. Ялангуяа монголын мэдээлэл, технологийн салбарынхан. Болдогсон бол Их хурлын гишүүд, Засгийн газрын гишүүдийг энэ сайт руу нэг шагайчихаарай гэхсэн.

Энэ талаар дуусаа....

Бас, би энд:
download speed = 403 kb/s
upload speed =435 kb/s -ийг голоод сууж байдаг. Орчиндоо зохицоно гэдэг нь энэ байхдаа. Яахав Монголоо сэтгэл санааны хувиар дэмжээд нэтээ хадгалаад үлдээвэл болох л юм.

Монгол Улсынхаа "нэтийн хурд"-ыг дээшлүүлэх юмсан даа. Дэлхийд хамгийн сайн хурдтай нэтийг эзэмшигч, Монголд ээлтэй Япончуудаас "туршлага" судлаад, "дэмжлэг" хүсч болдоггүй л юм байхдаа. Дэмжлэг гэдгийг модем, компьютер гуйхыг хэлээгүй юм шүү. Мэдээлэл, технологийн салбартаа гадаад, дотоодын хөрөнгө оруулалт хийх, Засгийн газраас "бодит" "ирээдүйтэй", "томоохон" төсөл хэрэгжүүлэх, жишээ нь "Мянганы сүлжээ" ч гэсэн яадаг юм :) Ер нь ирээдүйгээ бодвол мэдээллийн технологийг хөгжүүлсэн шиг хөгжүүлэх хэрэгтэй л дээ. Бидний амаар ч бол Монгол Улс аль хэдийн хэдэн зуун боловсон хүчин бэлдээд, програм хангамжийн чиглэлээр гадаад, дотоодгүй мэргэжилтнүүдээр хангаад, мэдээллийн зах зээл дээр Энэтхэгийн дараа "тэргүүлэх" байр сууринд яваа байх аа...

Тэр "affordable high speed internet for America"-ыг цуурайтуулаад "affordable high speed internet for Mongolia" гээд мэдээлэл технологийнхондоо шивнэх юмсан...

жич: Энэхүү бичлэгээ хянаж, шалгасангүй. Хэрвээ миний бодол, дүгнэлт буруу бол залруулаарай.

Охины минь анхны захидал-мэндчилгээ

Охиныхоо мэндчилгээг аваад хоолой хачин болоод явчихсан, эгээтэй л... Сургуульд орсноосоо хойш аавдаа, эгчдээ бичиж явуулсан анхны захидал-мэндчилгээ.

Давгүй дармалдсан байгаа биз. Дармалдаж бичих дуртай гэж байсан. Яаж, хэнээс сурсан юм бол гэж бодоод л...

Блогтоо оруулаад хадгална аа...
Хэзээ ч арилгахгүй, хэзээ ч харж болно, хэн ч оролдохгүй, бас үрэгдэхгүй. Эртхэн босоод зургийг нь шинэхэн Sony-гоороо аваад оруулчихлаа. Охины минь хичээгүйлэн дармалдсан ил захидал, зургийг билэгшээгээд энэхүү аппаратаар фотог нь аваад анх удаа нэтэд оруулж байгаа минь энэ.

Охиноо их санаж байна даа.

"20-н ногооны ялгаа"...

Нүүгээд нэтээ солиуллаа. Өмнө нь төлж байсан нэтийнхээ төлбөрөө арай хөнгөвчилөөд, гэрийнхээ төсвөөс сардаа 20-ыг, жилдээ 240-ийг хэмнэх юм.

Нэт хамгийн ачаалал бага үед нь доорх харьцуулалтыг хийлээ. Дээр нь сүүлийн 2 жилд хэрэглэсэн нэтийн үзүүлэлт. Доор буй зураг нь одооноос ашиглах нэтийн үзүүлэлт.

Маргааш ачаалал ихтэй үед нь нэг шалгаж харьцуулна аа.... Ялгааг нь их зөрүүтэй санагдаад байна даа....Хэтэрхий удаан байвал наймаагаа буцаана аа хө...

Check your internet speed: http://internetfrog.com/mypc/speedtest/

Oops! Not sure?

Then, please check one more time:

Now you know.

Найзууд ирж л байдаг, явж л байдаг...

Өнөөдөр найзуудынхаа тухай бодлоо: эрэгтэй, эмэгтэй, ах, эгч, үе тэнгийн, дүү, хайртай, хайргүй, зүгээртэй, зүгээргүй гээд л...

Уг нь найзууд ирж л байдаг, явж л байдаг гэсэн үг байдаг даа. Үүнийг бодсон ч надад болохоор хэцүү байдаг. Хэн нэгэн хүн миний найз боллоо гэж би өөртөө итгэвэл түүний төлөө өчүүхэн ч атугай хүн шиг л байх юм шиг гэж боддог. Боддог шүү дээ. Бодох болон хийх нь өөр...

Сайнтай, муутай, сайхантай, бүтэлтэй, бүтэлгүй, мөнгөтэй, мөнгөгүй, том, жижиг, тушаалтай, тушаалгүй олон найздаа байж дээ. Одоо энд ер нь улам ганцаараа "болж" байна аа :( Нэгэн бодлын хувиа хичээсэн ч юм шиг... Хүний нутагт гээд өөрийгөө цайруулаад л... Тээр жил, тээр ч гэж, ажилтай, "алдартай", нутагтаа байхдаа 100 гаруй хүнд эмайл илгээж ч байсан. Тэдгээр нь миний найзууд байсан. Энэ жил хэнд ч илгээсэнгүй. Бараг хэнээс ч авсангүй. Тэгэхээр би ӨӨРӨӨ найз байж чадаагүйн илрэл байх. Олон зүйл бодох юм...

Хэнийг нь гомдоосноо өөрөө мэднэ. Хэнийг баярлууснаа өөрийнхөө хэмжээнд мэднэ... Хэнээс харахаа харин үл мэднэ...Бодсон болгоноо ил гаргавал наддаа "дайн" болох биздээ...

Найзууд гэж хэн бэ?, Би ямар хүн бэ? Би хэн бэ? гээд өөрөөсөө асуугаад дуусгая...Магадгүй сүргээсээ тасарсан, хаашаа давхиж байгаагаа мэдэхгүй чоно байхаа...

Үнэн, худлыг нь яаж мэдэхэв?!

Женщина везде оставляет свою шляпу, а мужчина - голову. Немецкая пословица
-Хүүхнүүд малгайгаа, эрчүүл толгойгоо гээдэг.

Тоpопить женщину - то же самое, что пытаться ускоpить загpузку компьютеpа... Пpогpамма всё pавно должна выполнить все очевидно необходимые действия и ещё многое такое, что всегда остаётся скpытым от вашего понимания.
- Хүүхнүүдийг яаруулах нь компьютерийн программын ачаалагдагдах хурдыг түргэтгэхтэй адилхан. Программ нь хүссэн хүсээгүй шаардлагатай үйлдлүүдээ дуустал нь гүйцэтгэх бөгөөд тэдгээр нь таны толгойд буухгүй гадуур үлддэг.

Женщина знает смысл любви, а мужчина ее цену.М. Ларни
- Хүүхнүүд дурлалын утга учрыг, эрчүүд түүний үнэ цэнийг мэддэг.

Будь осторожен. Если женщина сходится с тобой не любя, она заставит тебя расплатиться за это; а если она любит, она заставит тебя заплатить еще дороже.Р. Олдингтон
Анхааралтай байгтун. Хэрвээ хүүхнүүд дурлалгүйгээр таньтай орооцолдвол тэр үйлдэлдээ төлбөр шаардана, хэрвээ таньд дурласан бол бүр дээрхээс ч илүү төлбөрийг шаардах болно.

Не плачь, потому что это закончилось. Улыбнись, потому что это было. Неизвестный автор
- Хайр дурлалд төгсгөл боллоо гээд бүү уйл. Харин хайр дурлалтай байсан юм шүү гээд инээмсэглэ.

Три предмета являются самыми интересными в мире... Секс, собственность и религия. При помощи первого мы можем создавать жизнь, при помощи второго мы поддерживаем ее, а при помощи третьего мы надеемся продолжить ее в другом мире. Д. Карнеги
- Хорвоод 3-н сонирхолтой зүйл байдаг: Секс, өмч хөрөнгө & шашин шүтлэг. Сексийн тусаар бид амьдралыг зохиодог. Өмч хөрөнгийн тусламжтай бид амьдралаа тэтгэдэг. Шашины тусаар бид хойд насандаа амьдрана гэж итгэдэг.

ичточник:
- http://www.world-of-love.ru

- http://anegdoty.narod.ru

*зургийг 2007 оны зун Филаделфияд зочлохдоо авсан болно.

Зарим нэгэн сонссон, уншсан, үзсэн мэдээллүүдээсээ хуваалцана аа:

- Хүүхэд таргалах, илүүдэл жинтэй болоход эцэг эхчүүдийн буруу их байдаг байна. Тарган, хэт тарган хүүхдүүийн эцэг эхчүүд ихэнх тохиолдолд хүүхдээ "тарган" гэдгийг мэдэрдэггүйгээс гадна хүлээн зөвшөөрдөггүй байна. Иймд эцэг эхчүүдэд зөвлөхөд хүүхдээ зөв өсгөн хүмүүжүүлээрэй.

- АНУ-ын Сан-Франциско хотод болон бусад хотуудад салбар байдлаар "Mongols" (яагаад тэгж нэрлэснийг нэтээс хайгаад уншаарай) хэмээн нэрлэгдсэн бидний нэрлэдгээр рокерууд, (хэтрүүлээд хэлбэл танхайрагчдын, гэмт "gang" бүлэглэл)* байдаг. Энэ бүлэг нь "Hells Angels" хэмээн бүлэглэлтэй зөвхөн "хотынхоо нэрийг эзэмших эрх"-ээсээ болж нилээн "дайтсан". Уг нь эдгээр нь мотоцикл эзэмшигчдийн клуб боловч цаана нь гэмт хэргийн бүлэглэл оршдог байна. Эдгээр бүлэглэлүүд нь ганган, ганган мотоцикл унацгаадаг. Хэрвээ иймэрхүү нэрстэй савхин куртка өмссөн, шивээстэй, элдэв төрлийн хувцас хунар, зүүлт чимэглэл болсон бол холхон явсан нь дээр шүү.

- Мөн миний бодлоор монголчууд олноор амьдардаг Арлингтон хавьцаа "MS-13" гэдэг испани, мехсик гаралтай гэмт хэрэгтнүүдийн бүлэглэл байдаг бөгөөд их аюултайд тооцогддог. Учир нь энэ бүлэглэлийн гишүүд улам залуужиж байгаа бөгөөд 16, 17, 18-ныхан хамгийн хүнд гэмт хэргүүдийг үйлдсэн байдаг байна. Гэмт бүлэглэлдээ элсүүлэхдээ шинээр элсэгчээ бүлэглэн 13 сек хайр найргүй зоддог, хэрвээ эмэгтэй хүн гэмт бүлэглэлд нь орох бол бэлгийн харьцаанд орох, зодуулах хоёрын аль нэгнийг сонгодог байна.
Эдгээр мэтийн зарим нэг "муу" зүйлүүдээс холуур байх хэрэгтэй.

- АНУ-д өсвөр насны хүүхдүүд, ахлах ангийн сурагчид бэлгийн харьцаанд орох, өсвөр насны охидуудын жирэмслэлтийн асуудал хурц яригддаг. 2005 оны судалгаагаар ахлах сургуулийн хүүхдүүдийн 47 хувь аль хэдий бэлгийн харьцаанд орчихсон байсан байна. Үүний гуравны нэг нь бэлгэвч хэрэглэж үзээгүй гэжээ. Иймээс ерөнхий боловсролын сургуульд сексийн тухай боловсрол олгох нь эрт жирэмслэлт, бэлгийн замын өвчинөөс урьдчилан сэргийлэхээс гадна өсвөр насанд (тодруулбал 15-аас өмнө насанд)бэлгийн харьцаанд орох асуудлыг бууруулсан нь судалгаагаар гарчээ. Манайд сургалтад энэ нь хэрэгтэй дээ. Бид, боловсролын, эрүүл мэндийн яам зэрэг зохих төрийн болон төрийн бус, хүүхдийн байгууллагууд, албан тушаалтнууд "мэдэхгүй" царайлсаар яваа билээ...

- Кабель тавиулах, байр хөлслөх, утасны үйлчилгээ, машиндаа засвар хийлгэх зэрэг ямар нэгэн засвар, үйлчилгээ хийлгэх, эд зүйлс худалдан авах гэж байгаа бол хөнгөлөлт, урамшуулалт зэрэг өөрт тань санхүү болон сэтгэл санааны хувьд хэрхэн ашигтай, өгөөжтэй байж болох талаар заавал асууж, лавлаж байгаарай. Таны амнаас юм уначихгүй, битгий нэрэлх. Тэгээд ч "бэлэг авахаа" асуухгүй бол хэн ч таньд зүгээр "өгөхийг" хүсэхгүй.

-Залуу насны хүүхнүүд, охидуудад анхааруулахад: хаана, хэнтэй, хэрхэн, ямар байдлаар зураг авахуулах гэж байгаагаа тунгаан бодож байгаарай. Мөн зургаа дурсгахдаа ч гэсэн мөн адил. Одоо үед "сахилгагүйтэл"-ийн улмаас алдартай, алдаргүй, томоотой томоогүй, ганган, доожоогүй, сайхан муухайгаас үл хамааран өчнөөн олон охид хүүхнүүдийн зураг ямарваа нэгэн гаж, буруу, муу "тайлбартай"-гаар энд тэнд ил тодоор "нэт"-д тавигдах нь их болсон байна. Буруутанг хайхаасаа өмнө өөрөө зохицуулсан нь дээр л гэж зөвлөе.

- АНУ-д терроризм, хорлон сүйтгэх үйл ажиллагаа, гэмт хэргээс урьдчилан сэргийлэх үүднээс ард иргэдийнхээ нэттэй холбоотой бүх үйлдэл, майлыг Засгийн газраас, холбогдох байгууллагаас "шалгах" буюу нэгэн бодлын "тагнах" ажиллагаа явуулж байх талаар "нэгэн" хуулийн төсөл боловсрогдож буй юм байна. Америкчууд энэ хуулийн төслийн тухай одоохондоо ам дамжин ярьж байгаа бөгөөд эрх чөлөө, хүний эрх, хувийн нууцлал зэргээ хүндэтгэдгийн хувьд дэмжихээсээ илүүтэй эсэргүүцэх байх гэж бодно. Хэрвээ батлагдвал ч америкчууд төдийгүй "дэлхий даяараа" америкчуудад нууцаа алдах байхаа...

- Машин худалдан авахад хамгийн тохиромжтой улирал нь намар буюу 9 сар гэнэ. Учир машин борлуулагчид нь "дараа жилийн", шинэ загварын машин худалдаан гаргах бэлтгэл хийдэг үе нь болохоор "хуучин" машинаасаа салахын түүс болдог байна. Мөн сарын сүүлийн, долоо хоногийн сүүлээр бол гайгүй "үнэтэй" байдаг гэнэ дээ.

...

*тайлбар: мотоциклчдын холбоог шууд гэмт хэрэгтний бүлэглэл гэж бүү ойлгоорой. Гэхдээ ямарваа нэгэн байдлаар холбогдсон байдаг юм байна. Гишүүд дотор нь эрүүл саруул ухаантай хүн байгаа.

Xingu буюу орчин цагийн индианууд

Бразилийн Амазон мөрөнд цутгадаг Хингу мөрний эрэгт нутагладаг Хингу омгийн тухай мэдээллээр мэдлэгт тань дусал нэмэрлэе.

Бидний өвөг дээдэс Хүннү (Hunnu) болон Х(ш)ингу (Xingu)-гийн хооронд холбоо байдаг болов уу гэсэн нэгэн бодол төрөөд л...

Тэдний бөхийн ёсолгоо, бөх барилдаж буй байдаг л нэг бодлын төстэй ч юм шиг... Дэвнэ...

photo: http://www.wehaitians.com/amazon%20indians%20honor%20an%20intrepid%20spirit.html

Бас сурын харваатай...

photo: http://www.amazonz.info/xingu/21-indigenous-games-brazil.html

Уламжлалт баяр нь 2 өдөр үргэлжилдэг бөгөөд гол цэнгүүн нь Бөхийн барилдаан....

photo: http://news.bbc.co.uk/1/hi/in_pictures/4191302.stm

Холбоотой мэдээллийг нэтээс хайгаад уншаарай....

ЗУРСАН НЬ

(Эвлүүлэг)

eye & lips by Chandmani

hand from http://akvis.com/en/sketch-tutorial/examples/hands.php

"ЗЭР ЗЭВСЭГ"

(эвлүүлэг)

( Уруул, нүдийг зурсан болно. Гарыг зурж байгаад гэнэт залхуураад шууд нэтээс татаад авчихлаа. Эвлүүлгийг MS Paint програм ашиглав)

Өчигдөр ТВ-ээр үзсэн нэгэн яриаг үзээд тэр тухай сэтгэгдэлээ энд орууллаа. Одоо Америкт болж буй улс төрийн үйл амьдралын талаар, бүр тодруулбал Presidential Debate буюу "Ерөнхийлөгчид нэр дэвшигчдийн халз ярилцлага"-ын тухай. Энд нэгэн төрийн бус байгууллага байдаг бөгөөд түүнийг The Commission on Presidential Debates гэдэг. Түүний удирдлагын нэг Frank J. Fahrenkopf, Jr. уг байгууллагын тухай болон халз ярилцлагуудын тухай нэгэн их сургууль дээр "лекц" уншсан юм. Түүнийг нь үзлээ л дээ. Тэгээд төрсөн сэтгэгдэлээ үлдээлээ.

- Маш их судалгаатай хийгддэг бөгөөд хэнийг оролцуулах, хаана болох, хэрхэн халз ярилцлагын зохион байгуулах зэрэг асуудлыг хөндсөн нь их таалагдсан. Монголдоо байхад Ерөнхийлөгчид нэр дэвшигчдийн халз ярилцлага гэдгийг сонсож байсан, андуураагүй бол нэг ярилцлагыг үзэж байсан санагдаж байна. Тэгээд энэ хүний ярьсан зүйлээс авах зүйл их байгааг олж мэдэрсэн. Уг лекц уншсан хүний намтарыг үзвэл бас мөрийтэй тоглоом, лобби энээ тэрээ гээд бас НО-нууд гарч байна лээ. Гэхдээ Монголд энэ халз ярилцлагын талаар бүрэн бүтэн судлаад улс төрийн амьдралын үйл ажиллагаандаа хэрэгжүүлбэл зүгээр санагдсан.

Халз ярилцлагын талаар авууштай зарим нэгэн санаж буй зүйлүүд:
- Их, дээд сургууль дээр зохион байгуулдаг. Энэ нь залуучуудыг улс төрийн амьдралд татан оролцуулахад чухал нөлөө үзүүлдэг. Мөн цаашилбөл сургуулийн нэр хүндэд нөлөөтэй.
- Нэр дэвшигчдийн биеийн өндөр, намхан, тарган, туранхайг харгалзан үзээд аль болохоор индрээ тааруулан засдаг байсан нь. Одоо бол индэр байхгүй шууд сандал дээр суулган ярилцдаг болсон байна. Учир нь индэр нь нэгэн бодлын "хаалт"... Ер нь "нээлтэй" орчинг илүүд үздэг болсон байна.
- Нэр дэвшигч болгонд тэнцүү эрх олгож цагийг хуваарилдаг.
- Хөтлөгчийг ярилцлага болохоос 1-2 хоногийн өмнө тодруулдаг бөгөөд тухайн хүн нь улс төрийн "хамааралгүй" байх ба ТВ-ийн нэвтрүүлэг хөтлөх "бүрэн чадвартай" байх.
- Асуултыг урьдчилан бэлдэхгүй боловч ерөнхий (дотоод, гадаад улс төр гэх мэт) сэдвээр ярилцах нь тодорхой байх.
- Асуултыг үзэгчдээс тавина. Бэлдэхгүй гэсэн үг. Харин хөтлөгч бүх нэр дэвшигчдээс асуухыг зохицуулна.
- Оюутны орчин, сургууль дээр зохиогдох учраас асуултыг тавигчид нь "энгийн" сонгогчид буюу оюутнууд, залуучууд байх нь зохистой.
- Ярилцлага болох цагийг бараг жилийн өмнө тодорхойлох. Жишээ нь Америкийн энэ удаагийн Ерөнхийлөгчийн сонгуулийн нэр дэвшигчдийн халз ярилцлага эхнийх нь дотоод асуудлаар 2008 оны 9-сарын 26-ны Баасан гаригт University of Mississippi, Oxford, MS-д болно.
- Халз ярицлагад оролцох нэр дэвшигчдийн шалгуурыг нарийн болгох. Нэр дэвшигч болгон оролцох боломжгүй. Эднийхээр бол сүүлийн үеийнх судалгаануудаас "сонгогчдоос" 15-аас илүү хувийн санал авсан байх. Хэрвээ энэ шалгуурыг хангаагүй бол оролцох эрхгүй. Яагаад гэвэл бусдад "танигдаагүй" гэж үзэх юм байна.

Санаж байгаагаа бичлээ. Хэрвээ мэдээлэл илүү шаардлагатай бол энд дараарай. Би тухайн ТВ*-ийн ярицлагыг хайгаад олсонгүй.

Харанга - Манан (өөр дууны клип)
Нэгэн танихгүй дүүгийн хүсэлтийн дагуу энэхүү дуунд Харангийн "энэ бол дурлал биш" дууны клипийг янзлаад орууллаа. Дунд нь 1-2 илүү зүйл давхиж байгаа :) Гол нь дуундаа байгаа юм шүү....

Монголынхоо мэдээллийг нетээр уншаад:

Мэдээллүүд нь:
- алдаа, авилгал, хулхидалт, хов жив,
- архидалт, согтууралт, хордолт,
- өвчин зовлон, тахал, үхэл, хорсол
- албан тушаалын хэнээрхэл, өрсөлдөөн, улс төрийн маргаан,
- талцал, нутгархал, бүлэглэл
- осол, гэмтэл, согог,
- хэрүүл маргаан, зодоон цохион
- зарга, шүүх, маргаан, төлбөр

(дээр нь бичгийн болон найруулгын бөөн алдаанууд)

Санал сэтгэгдлийг нь уншвал:
- хараал, зүхэл
- уур, уцаар
- хардалт, сэрдэлт
- хэрүүл, маргаан

Яана даа!!!!...

Зарим сонин хачинаас:

- Одооноос эхлээд 2009 оны 2 дугаар сарын 17-н хүртэл АНУ-д бүх мэдээллийн сувгууд аналагоос дижиталд шилжиж дуусах бөгөөд худалдаанд тодорхой хэмжээгээр сигнал хувиргагчид (шилжүүлэгч) зарагдах, борлуулагдах боловч хангалтгүй байх юм байна. Нэгэн тодруулга: бүх Дижитал (Digital) нь High Definition биш ба харин HD сигналууд нь дижитал болно. Дэлгүүрт зарагдаж буй HDTV-үүдийн үнэ нь унаж байгаа боловч жирийн иргэд худалдан авах хэмжээнд хүрээгүй л байна.

- АНУ-д машин үйлдвэрлэгчид машиныг hybrid руу шилжүүлэхийн зэрэгцээ өөрөө паркалдаг болгохоор ажиллаж байна. Анхны hybrid машиныг Японы Toyoto компани 1997 онд худалдаанд гаргасан боловч хоёр жилийн дараа Honda компани АНУ-д анх удаа худалдаанд гаргасан байна. Миний сонссоноор (андуураагүй бол) 2018 он гэхэд АНУ-д машинууд өөрөө жолооддог, паркалдаг байхаар олон нийтийн дунд тархах юм гэсэн. АНУ-ын GM (General Motor) өөрөө паркалдаг машин "үйлдвэрлэх" гэж туршиж байхад аль хэдийн Япон, Англид жолооч нар хэдэн төгрөг илүү төлөөд голдуу Toyota маркийн тийм машин барьж байгаа билээ. Америкийнхний үйлдвэрлэсэн өөрөө жолооддог машин нь Lexus бөгөөд 60000 ам долларын үнэтэй.

- Америкийн мөнгөн тэмдэг нь анх бичигдэхдээ US гэж байсан боловч цаг хугацааны эрхээр S ба U нь давхардаад, бүр сүүлдээ (залхуурал нөлөөлсөн ч байж болох юм) S-ийн дээгүүр II буюу хоёр зураас болон хувирчээ.

- Хүн болгоний хэл өөрийн гэсэн давтагдашгүй хээтэй байдаг.

- Алмаазыг зөвхөн маш халуун температураар л эвддэг.

- Ketchup буюу кетчуп нь 1830-аад онд анх удаа эмийн зориулалттай зарагдаж эхэлсэн байна.

Дэлхийд олон зүйлүүд болж байна даа. (санаа алдав) Улс төр сонирхдогийн хувьд Пакистаны үйл явдлуудыг уншаад л... Бас Америкт байгаагийн хувьд Ирак энэ тэр гээд... Дээр Монголын улс төр.. Бүр дээр нь хувийн амьдрал.. Ер нь явцгүй байна шүү... Бүгдийг нь гаргачихсан юмсан...(бүүр чадахгүй байна) Даанч чадахгүй юм даа... Танидаг хүмүүсээс "сэргийлээд"...Өмнө хамаагүй байсан, одоо больсон, хаширсан гэх үү дээ, тэгээд л тайлбарлаад дуусгая... Sorry about that...Нэгэн өдөр цуглууж байгаад л авъя..........

Test Yourself & have Fun!

ТА АНХНЫ ХАРЦААР ДУРЛАДАГ, ЭСЭХЭЭ ШАЛГА ДАА...
Take this quiz to see if you fall in love at first sight or not:



source: http://www.beautyden.com/quiz/love-first-sight.shtml

ЕР НЬ ТА ДУРЛАМТГАЙ ХҮН ҮҮ?
Take this quiz to see if you fall in love quickly or not:


source: http://www.beautyden.com/quiz/fall-love.shtml

Бас бус тестүүдийг http://www.beautyden.com/ сайтнаас олоод өөрийгөө туршаад үзээрэй :)

Mary J Blige- Be Without You

"Хэрвээ Та дотно харьцааг хүсдэг бол хэцүү боловч үнэнч байдал зайлшгүй хэрэгтэй"
“Honesty can be scary but it's necessary if you want a close intimate relationship.”

Хайр дурлалын харьцаагаа бэхжүүлье

Харьцаагаа дээшлүүлэхийн тулд Та юуг хийж чадах вэ:
Ханьтайгаа нээлттэй бөгөөд үнэнчээр ярилц.
Хайр дурлалын харьцаандаа өөрийгөө бүү золиосло.
Өөрийнхээ сэтгэлд үнэнч бай.
Та зөвхөн өөрийгөө өөрчлөх чадалтай, чадвартайгаа ухамсарла.
Үргэлж өөрийнхөөрөө бай.
Үг болгон учиртай буюу хэлсэн, ярьсан болгон тань Таны бодол, сэтгэлийн илэрхийлэл гэдгийг ойлго.
Өөрийнхөө хүсэл болон шаардлагыг ханийнхтайгаа зохицуул.
Байгаагаар нь хүлээж ав.
Дүгнэлтийг хүлээн зөвшөөрч сур.
Юм болгон хүссэнээр байддаггүй гэдгийг хүлээн зөвшөөрөөд буулт хий.
Өөрийнхөө бие, санаа, сэтгэлээ сонс.
Өөрийнхөө талархал, баярласнаа нээлттэй, байнга илэрхийлж сур.
Хайр дурлалынхаа итгэл, харьцааг шинжиж судал.
Хүнд нөхцөлөөс гарахын тулд наргиа, хошин байдлыг ашигла.
Хүсэлдээ тохируулан ханиа "хөтөл".
Итгэл, сэтгэлээ ханьдаа нээлттэй байлга.

Improve Your Love Relationships
What YOU can do to improve your relationships.
Talk with your partner openly and honestly.
Don't sacrifice yourself for the relationship.
Take responsibility for your feelings.
Know you can only change yourself.
Be yourself always.
Know your intentions behind your words.
Communicate your wants and needs to your partner.
Accept them as they are.
Let go of absolute value judgments.
Drop your expectations of how they "should" be.
Listen with your whole body, mind and soul.
Express your appreciation and gratitude openly and often.
Examine your beliefs about love relationships.
Use humor to defuse difficult situations.
Examine your desire to control your partner.
Have a dialogue about your beliefs.

буруу бол залруулаарай...

source: http://www.selfcreation.com/love/improve_relationships.htm

Шинэ оны анхны бичлэгээ эрүүл мэндийн сэдвээр, маш товчхон орууллаа.
Эрүүл байж л хүн бүхнийг бүтээх чадалтай.

Yahoo дотор уншсан нэгэн мэдээлэл (Та уншсан ч байж болох юм):

Цай кофе нь бөөрний хорт хавдар (kidney cancer)-аас сэргийлдэг байж магадгүй гэж судлаачид үзэж байна. Өмнө нь нийтдээ 530,469 эмэгтэй, 244,483 эрэгтэй хүн хамрагдсан 13-н судалгаан дээр үндэслэн сүү, ундаа(soda), жүүс нь ямарваа нэгэн нөлөөлөл байхгүй, кофе, цай нь бөөрний хорт хавдарын эсрэг нөлөөтэй байж магадгүй гэж үзжээ.

Өдөртөө 3 буюу түүнээс дээш аяга кофе уудаг нөхдүүд өдөртөө дунджаар нэг удаа кофе уудаг хүмүүсээс 16-н хувиар бага бөөрний хорт хавдарт нэрвэгддэг байж болох юм. Мөн өдөртөө ганцхан удаа 8-ounce (дараад хэдэн мл, хэдэн халбага болохыг нь тогтоогоорой) уудаг нөхдүүд бүр цай уудаггүй хүмүүсээс 15-н хувиар бага уг өвчнөөр өвдөхгүй гэж үзжээ.

Яагаад гэдгийг нь тогтоож чадаагүй ч ямарваа нэгэн байдлаар холбоотой болохыг нь илрүүлсэн байна.

мэдээллийг: http://news.yahoo.com/s/nm/20071224/hl_nm/coffee_tea_kidney_cancer_dc_1

photo source: http://dr-razavi.blogspot.com/2007/03/coffee-good-for-brain.html (энэ блогоор бас шагайчихаарай)

Кофе, цай гэснээс жоохон (жоохоон шүү) халуурна аа :)

Би өөрөө өглөө болгон шахуу кофе уудаг. Starbucks coffee-г гэртээ чанахаас гадна Speedway, арай чанартай, амттайг нь Tim Nortons ороод авчихдаг юм. Бас бус буфет, янзан бүрийн бэлэн автомат машинаас аваад уучихна. Тэгэхээр олдохгүйн зовлонгүй. Монголд бол Nescafe гэдэг л болохоос өөр нь олдохгүй шүү дээ...
Ажил дээрээ кофены тусгай машин захиалж билээ. Хэрэглээд сурсан даа... Тансаг хэрэглэгээ гэж бүү ойлгоорой. Монголдоо байгаад бичсэн бол юун тансаглах дуртай юм л гэх байх даа... Уг нь тансаг хэрэглэгээ биш зүгээр л өдөр тутмын хэрэглэгээ байсан юм... "Үнэн чанасан" кофе уух, зүгээр Nescafe халбагадаад халуун усанд хутгаад уух шал өөр... Дээр нь кофены сүү, энээ тэрээг олоход хэцүү шүү дээ...

Цайны хувьд Монголоос ирээд хар цай чанаж уугаад байсан их удалгүй дууссан. хэхэ Тэгээд сүүлд эгч минь авчирч өгсөн санагдаж байна. Одоо багахан хэмжээний байгаа, хааяадаа жилдээ 2-3 удаа сүүтэй цай чанавал хэрэглэдэг юм. Энд баахан жимсний амттай дүрдэг цайнууд байдаг, тэдгээрийг нь хэрэглээд л. Магадгүй хятад хүнсний дэлгүүрт байж магадгүй юм л даа, гэвч дэлгүүрт нь орохоор муухай үнэртээд дотор муухайрдаг тул би ордоггүй...
Сардаа албатай юм шиг хооллодог Вьетнам, Солонгос, Энэтхэг, Хятад хоолны газруудад бол голдуу халуун цай (green tea) уудаг. Энэтхэг гаатай цай нь их амттай.... Энэтхэг гэснээс... хадуурч өгч байна аа тиймээ хэхэ... Монголд Бөхийн өргөөний өмнөх Хазара хоолны газар их амттай, сайн цайтай. Хоол нь ч бас сайн..Бас Хүмүүнлигийн Их сургуулийн өмнө байрлах нэгэн буудлын доор байдаг энэтхэг хоолны газар Хазараг бодвол арай хямд байж магадгүй. Хоол, цайны чанар бол адилхан маш сайн...
Өө санаснаас, Оросод сурч байхдаа Монголоос энэтхэг цай гээд зааны зураг бүхий дөрвөлжин нунтаг цайг их авч явдаг байж билээ. Их амттай... Одоо би хааяадаа энд тэнд цай харагдвал тэрийг хайгаад байдаг юм...

Анх ирээд эндэхийн хүмүүс мөстэй ус, мөстэй ундаа, бүх ундаагаа мөстэй холиод байхад нь гайхаад "халуун" ундаа л хайгаад явсан, сүүлдээ цөөрсөөр цөөрсөөр байгаад одоо ч бараг мөсгүй бол уухгүй дэгээ...


хадуурч, халуурахаа зогсоолоо.... :)

Wonderfull life - Black

Here I go out to sea again
The sunshine fills my hair
And dreams hang in the air

Gulls in the sky and in my blue eyes
You know it feels unfair
There's magic everywhere

Look at me standing
Here on my own again
Up straight in the sunshine

No need to run and hide
It's a wonderful, wonderful life
No need to hide and cry
It's a wonderful, wonderful life

Sun in your eyes
The heat is in your hair
They seem to hate you
Because you're there

And I need a friend
Oh, I need a friend
To make me happy
Not stand here on my own

Look at me standing
Here on my own again
Up straight in the sunshine

I need a friend
Oh, I need friend
To make me happy
Not so alone
Look at me here
Here on my own again
Up straight in the sunshine
lyrics from: http://www.belyrics.com